Like this:

前幾日0係「面書」見到「賓賓」回應佢個朋友仔既相片，我八卦又入去睇下係咩黎，原來係佢成班朋友仔去0左菲律賓潛水，咁0岩0係沙灘見到……鯨鯊BB？但係……(殘酷事件發現)……個“BB”所有魚鰭都俾人切晒落黎！即係話，佢係俾「魚翅海盜」活生生咁將佢既“手手腳腳”搶走0左！更恐怖既係，班海盜搶走人地既“手手腳腳”之後，就咁遺棄0左佢0係海邊就算……究竟呢班海盜仲有冇良心？你搞到人地冇手冇腳，根本就唔能夠求生，咁即係話由得佢0係海邊活活等餓死？天下間居然有咁殘忍既人類……點解？？就係因為人類(尤其係中國人)一句鍾意，就可以隨意濫殺無辜？

中國人，只要背脊向天既，基本上都可以放得入口！我記得蔡瀾曾經講過，只要係中國人睇中0左既食物，就會好快絕種……聽起黎好似幾不可思意，實則係中國人既可悲！

【Anliao 可憐鯨鯊BB】- 轉自Dicky Ho Wai Keung

日期：大年初二
時間：第一潛後SIT時. 當時同行之團友在淺灘發現它後一心以為只是走失母鯨之小宝宝，

及後發現宝宝大部份手腳給人盜走了！一刻間全世界靜下了！每個人心情……

突然…它看著我，它看著每一個人，好像用最後既記憶把兇手面孔記實. 當時真感到自己就是那個兇手…人…萬物之靈？？

點查後發覺尾部尚有部份未被切除，相信有路經船隻，兇手冲冲離開現場……奇怪地每個人並沒多說話，可能大家心情已找唔到合適形容…小小生命(5m-6m長)等待著大海把它帶走，可能要待上幾天，上天才伸出憐憫之手.

不能等了，我們做了殺鯨兇手……

看見它(上岸)後，頭部動了幾次……十分鐘後再動……十多分鐘後再動……二十分鐘後再動……血水在傷囗慢慢流出，這景像一世永印在我心中.

約四十分鐘後，它再沒游動沒有魚鰭之骨架…再沒法擺動原本在身上，將來可能在桌上魚鰭…一切回復平靜，可能它尚有一點氣息，可能真的解脫還要更長時間，只是再沒氣力了……我們只可等政府人員到場交待事件.

真的有需要食魚翅嗎？ 一世它的影像都會在我腦海……

* 慶幸天下間還有像Dicky Ho Wai Keung及眾朋友們熱愛大自然、熱愛動物的香港人，在此感謝您的分享！希望您不介意我轉載您的相片及文字！