月巴人子 - LuLu 隨心手札

飯仔煲，煲飯仔！

LuLu — Sun, 10 Jul 2011 15:59:27 +0000

前兩日同大人0係「鬆糕」買0左個BB專用既電飯煲 (其實應該叫「飯仔煲」至0岩)，點解？小虎都7個月有多，其實已經食緊米糊，嫲嫲亦都有煮飯仔俾呢隻「大食虎仔」食，咁我當然都要買0的“架生”黎餵仔啦！

呢個「飯仔煲」果然過癮，僅僅夠煮佢而家既份量兩餐！咁當然，遲0的可能只係夠佢一餐既份量，到時就真係忙餐飽都得嘞！

中央圖書館夾Band

LuLu — Sat, 09 Jul 2011 15:59:53 +0000

差唔多有成半年冇寫過blog喇，估唔到自己真係會懶成咁……但係其實都有原因既，因為……「黃小虎」0羅！

相信各位心水清既話，睇番對上一篇blog都應該睇到小小“玄機”！係喇，估中喇！大人幫我升0左級，我而家已經唔單止係「黃老虎」，仲係「黃小虎既黃老爹」添！嘿嘿~~~而家「黃小虎」都已經7個月有多咯，咁遲先介紹俾大家好似遲0左少少，日後我會post多0的佢既搞笑相俾大家睇啦！

今日大人約0左佢個媽咪級朋友，一齊帶埋BB去中央圖書館玩，我當然梗係成成機機捉住小虎做「0靚模」啦！口可口可！！

今日小虎好鍾意玩個小結他，咁0岩我又幫小虎包0左頭巾，簡直成個「Band仔」咁，超級Rock呀！勁！！

噫？好似有件野幾0岩玩咁喎……

結他？I like it！

試下先！

虎媽：唔係用口試音嫁，用手仔丫嘛！

Saw…Saw…Saw……

小姐，你鍾唔鍾意音樂人嫁？我好Rock嫁，一齊夾Band哩？

B女：見你都幾有誠意，就同你玩下啦！

完整句號

LuLu — Sat, 29 Jan 2011 15:59:58 +0000

今日星期六放假，照舊又係留0係屋企睇住小虎啦，開住電視餵奶奶，原來CCTVB直播華叔安息禮……唉！真係悲從中來！

司徒華係我第二號政治偶像，第一號當然係李柱銘啦，但係之前為0左政改問題，佢地兩個意見南轅北轍，最終都傾唔埋各有各做……唉！其實呢一次我係企0係華叔0個邊……可能我較為傳統守舊，如果事事都爭持不下，就只會「雙輸」，但如果可以大家磨合，意見就算幾唔同，總可以各讓一步達致「雙贏」嘛！就算唔係贏得多，總好過輸丫！(個人睇法，不喜勿插！)

講番今日華叔安息禮，完全感覺到係一個「政壇照妖鏡」！六長四短，區區十下鐘聲，就已經可以體現何謂「良知」、「良心」！更何況口口聲聲話「代表所有香港人既“凸手”」，身為天主教徒，身份與行為簡直就係一個笑話！

算喇，都係費事講0的咁既虛偽之徒……

今日睇直播最令我感動既，係華叔既妹妹台上悼詞中，引述華叔臨終前幾日對家人既感言：
「你地要諒解我，路，係我自己選既，我一生光明正大，我冇後悔，你地要諒解我選擇呢條路！」

我聽到呢道，不期然感動落淚……

華叔一生果然「不屈」、「不悔」！

我0係呢度邀請大家，今年64燭光晚會，有邊個人參加？

You are my inspiration

LuLu — Fri, 19 Nov 2010 10:23:20 +0000

口喜口喜……今日又係我呢個「廣告精」同大家推介一個廣告，呢個廣告真係拍得好好feel，女主角又靚女，男主角又戇直，拍出黎既感覺好自然！今次呢個咁0岩又係泰國既廣告，相信大家都覺得近年香港越來越多泰國電影，但係大家又知唔知，泰國既廣告0係世界上一向都好出名，我自己都珍藏唔少，以後就陸續同大家介紹啦！

爽爆！

LuLu — Wed, 17 Nov 2010 09:47:10 +0000

如果可以咁樣番工放工，就真係high到爆……最起碼，唔駛塞車嘛！

Digital Picture Stamp

LuLu — Mon, 15 Nov 2010 09:18:31 +0000

作為一個鍾意玩相機既人，時不時都會留意下0的相機product，今次就介紹一個幾得意既新產品俾大家！

叮噹聲：「即影即有相片Chop~~~」

其實相片Chop呢家野都唔係0的咩新鮮野，記得0係十幾年前，同大人兩個第一次去日本旅行0個時，就已經0係路邊玩過一部貼紙相，但係影完之後唔係一張貼紙相，而係一個可以印番我地兩個樣貌既Chop印(個Chop到而家都仲0係度)！當時就梗係新奇夾過癮啦，因為香港都仲未有嘛！

咁既然十幾年前就已經有，而家有冇乜咁新奇呢？奇就奇在個體積已經係一部普通傻瓜機咁上下，而且只要你呢頭影完，0個頭就已經可以打開蓋玩Chop印，等都唔駛等！另外佢又可以循環咁再用，唔似我以前0個個印咁，影一張就一個印……

食牛肉……

LuLu — Sat, 13 Nov 2010 08:52:01 +0000

前兩日有朋友仔0係「面書」post 0左個video出黎，我睇完之後真係有少少覺得，「人」真係可以食少0的肉……一來較為環保，二來又唔需要作不必要既殘忍……

影片中有一句「如果屠宰場有個玻璃外牆，那麼任何人都會成為一位素食者。」，我估未至於咁嚴重，因為至少大陸0個班就覺得，呢0的只係小兒科，比起佢地處理「野味」既手法，影片所拍既地方、用具，都已經好十萬倍……

小虎妹

LuLu — Fri, 12 Nov 2010 09:47:54 +0000

尋晚，「猛虎」兄弟終於如願以償，正式榮升做老豆嘞！開心到爆啦你！呢個老豆，日日都望有個「奇異果」可以日日抱，而家可以過足手癮啦！點解叫「奇異果」？有圖為證，口可口可~~~

呢位「亞先爐」粉絲老豆，「小虎妹」套新球衣都係出年一歲先送好0的，起碼已經識得企，著出黎都型0的嘛，你就揀過另一份，等我作為Uncle Lu送俾細姪女既第一份禮物咁啦！

DISCONNECT to CONNECT

LuLu — Thu, 11 Nov 2010 09:05:13 +0000

再介紹多一個Video俾大家，幾發人深省嫁！尤其係經常拎起部手機冇停手既人，就要好好思考下呢個廣告既意思喇！

順帶一提，估唔到係一個電訊商既廣告……佢地唔覺得倒自己米咩？wakaka……

iPhone Band友

LuLu — Thu, 11 Nov 2010 08:33:33 +0000

唔好意思，真係好耐都冇寫blog添！為表示我既歉意，今日為各位親愛既“粉絲”們介紹一個近來0係「你管」好hit既Video俾大家睇下啦！各位睇完保證話正！尤其係買0左「唉瘋」既朋友仔，學野喇！